ما يدري الوجه لا وين

ينطيه او يطب يا دار

يمشي او فلك فكره ايدور

لاچن خاطره مكسور

لمن شافله معمور

تم موچب على بابه

طلعت جاريه من الدار

موچب شافته اعلى الباب

رادت تگرب اتنشده

لاچن غدت منه اتهاب

لمن شافها مسلم

من عدها الگلب مرتاب

گاللها اريدن ماي

حرّ العطش فت احشاي

جابتله او شرب منه

او صارت وگفته يمها

گالتله ارشد ابنيتك

موچب لا تضل عالباب

تدري الحرم ما تمّن

او من الأجنبي ترتاب

شوف الليل بعيوني

ذبله اعلى الوسيعه احجاب

گالتله هلك چاوين

گاللها هلي ابعيدين

بيه غدرت الكوفه

او طاحت لعد ظالمها

لمن عرفته مسلم

صاحت ياهله اوحيّاك

يبو طاهر بماي العين

انه اوكل هلي نفداك