متى ينجلي ليل النوى عن صبحه

نرى الشمس فيها طالعتنا من الغرب [١]

بحشاك النوايب خلّفت شطّار

والهم جرح دلّالك يراعي الثار

اول جرح كسر الضلع والبسمار

ومغيبك يبدر العصر تاليه

متى اتگوم او تجرد السيف من غمده

ونشوف المنايا اتلوح ابحدّه

حيدر من سجد ما تمم السجده

وبن ملجم جسم هامته ابماضيه

دلّالك تمرمر لون من مرمر

چان انفطر من عظم الصبر وتفطّر

من تذكر امصاب الحسن تتحسّر

يالصاحب اومن تسمع ابطاريه

مهر احسين انشده امن انچتل يمّه

چله اشلون بالطف طاح ابو اليمّه

يخربرك من تحنّت گصته ابدمّه

وسدّر يصهل او زادت بواچيه

گلبك خلص من كثر الهضم والهم

من خلصوا هلك ما بين چتل وسم

حتى الطفل يوم الطف سبح بالدم

يالغايب شله ويالگوم من سيّه

متى يابن الحسن تنهض او يمته اتگوم

او تاخذ ثار طفل البسهم مفطوم

يا يوم المبارك يا بدر مخزوم

تروي السيف بالدم من بني اُميه

ادرك تراتك أيها الموتور

فلكم بكل يدٍ دمٍ مهدور

ما صارم إلّا وفي شفراته

نحر لآل محمّد منحور