لليوم من عنده ابدليلي آثار
من صاب ابن ملجم علي حامي الجار
ضيّعته
خدري الچنت اتمنّاه
والأگضي كل عمري اوياه
حيدر علي ضيّعته
وغصبن عليّ ودعته
* * *
ام البنين الفاجده اتعرفوني
لو نحت طول الدهر لتلوموني
سهم الطشت ثاني سهم صابوني
الچبد ابو محمّد گمت اصعد بعيوني
گلّبته
چبد ابو محمد بيدي
او نحت وصحت يوليدي
چبدك انه الگلّبته
من بعد ضميمي وهالمصايب كلها
گلت اصبر او آلامي اتحمّلها
والدنيه تنصح بلچن اتأمّلها
واْعظامي فگد حسين هوَّ السلها
فارگته
واعله الدرب تانيته
سالم يرد ظنّيته
او ايّست من فارگته